Deputeti i LVV-së, Enver Dugolli, i ka reaguar dy ish–kryeminsitrave, Ramush Haradinajt të AAK-së dhe Avdullah Hotit të LDK-së.
Dugolli përmes një postimi në Facebook thotë se Haradinaj e Hoti po deklarohen se Kosova ka të drejtën e plotë për çështjen e targave, ndërsa po kërkojnë që megjithatë të lëshohet pe.
Sipas Dugollit, asnjëri nuk ka qenë i arsyeshëm gjatë kohës kur ishin në karrigën e kryeministrit.
Për Haradinajn thotë se e ka pritur Listen Serbe, për gjashtë orë për formimin e Qeverisë, ndërsa për Hotin thotë se është përgjigjur serbisht në Bruksel.
“Dy ish-kryeministra të Republikës së Kosovës, një pas një po deklarohen se edhe pse Kosova është në të drejtën e saj, për shkak të presionit, që burim ka Serbinë, duhet të tërhiqet dhe të lëshojë pe. Njëri, e paraqet kryeministrin Kurtit si problem të sigurisë pa e thënë asnjë fjalë për kërcënimet e Vuçiqit dhe veprimet e grupeve kriminale në veri”, shkroi Dugolli.
“Tjetri flet për vitet e ’90 dhe për periudhën e para pavarësisë kur nuk ka pasur institucione të Republikës sikur të jetë situatë e njëjtë edhe sot në vitin 2022. Pra, njëri e paraqet Qeverinë e Republikës së Kosovës si problem. Tjetri flet sikur mos të kishte Republikë. E përsëris edhe një herë. Të dy këta persona, kanë qenë kryeministra të Republikës. Njëri duke pritë gjashtë orë Listën Serbe për formimin e Qeverisë. Tjetri, që përgjigjej serbisht në Bruksel”, u shpreh ai.
“Meqë e kemi parë se si na kanë përfaqësuar deri tash, imagjinoni se si do ishim po të ishin ende në ato pozita”, përfundoi Dugolli./arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite